Vaishnavara Vanchina Saaru

 

 

 

ಇದು ಒಂದು ಬಹಳ ಸರಳವಾದ, ಸಾತ್ವಿಕ ಮತ್ತು ರುಚಿಕರ ಸಾರು ಮತ್ತು ಪಲ್ಯ.

 ಬೇಕಾಗುವ ಪದಾರ್ಥಗಳು.

 1.   ಸೊಪ್ಪು
       (ಉದಾ: ಸಬ್ಬಾಕ್ಷಿ ಸೊಪ್ಪು, ಪಾಲಕ್ ಸೊಪ್ಪು ಇತ್ಯಾದಿ ).  --  3 ಕಟ್ಟು
 2.   ತೊಗರಿ ಬೇಳೆ                                                        --  1 ಬಟ್ಟಲು. 
 3.   ಬೆಳ್ಳುಳ್ಳಿ                                                                 -- 6-8 ಎಸಳು.
 4.   ಜೀರಿಗೆ                                                                 --  1 ಟೀ ಚಮಚ .
 5.   ಕಾಳು ಮೆಣಸು                                                       --  2 ಟೀ ಚಮಚ.
 6.   ಈರುಳ್ಳಿ                                                                --  2 ದೊಡ್ಡ ಗಾತ್ರ.
 7.   ಹಸಿ ಮೆಣಸಿನಕಾಯಿ                                               --  3.
 8.  ನಿಂಬೆಹಣ್ಣು                                                             -- 1.
 9.  ಕೋತಂಬರಿ ಸೊಪ್ಪು(ಕೊಚ್ಚಿದ್ದು}                                 -- 1 ಬಟ್ಟಲು. 
10.  ಉಪ್ಪು                                                                  -- ರುಚಿಗೆ ತಕ್ಕಷ್ಟು.

 ಮಾಡುವ ವಿಧಾನ.

1. ಮೊದಲಿಗೆ ಬೇಳೆ ಅರ್ಧಬೆಂದ ಮೇಲೆ ಸೊಪ್ಪನ್ನು ಹಾಕಿ ಬೇಯಿಸಿರಿ. ಬೆಂದ ಬೇಳೆ ಮತ್ತು ಸೊಪ್ಪು ಆರಿದ ಬಳಿಕ ಕಟ್ಟನ್ನು ಬಸೆಯಿರಿ. 
2. ಸ್ವಲ್ಪ ಎಣ್ಣೆಯಲ್ಲಿ ಈರುಳ್ಳಿ, ಬೆಳ್ಳುಳ್ಳಿ, ಹಸಿಮೆಣಸಿನಕಾಯಿ, ಮೆಣಸು ಮತ್ತು ಜೀರಿಗೆ ಇದೇ ಕ್ರಮದಲ್ಲಿ ಹುರಿದು ಕೊಳ್ಳಿ. ತಣ್ಣಗಾದ ಮೇಲೆ ಇದಕ್ಕೆ 2 ದೊಡ್ಡ ಚಮಚ ಬೇಯಿಸಿದ ಸೊಪ್ಪುಮತ್ತು ಬೆಳೆಯ ಮಿಶ್ರಣ, ಮತ್ತು ಅರ್ಧ ಬಟ್ಟಲು ಕೊತ್ತಂಬರಿ ಸೊಪ್ಪುಹಾಕಿ ರುಬ್ಬಿ ಕೊಳ್ಳಿ. ರುಬ್ಬಿದ ಮಸಾಲೆಯನ್ನು ಕಟ್ಟಿಗೆ ಬೆರೆಸಿ. ಒಂದು ನಿಂಬೆ ಹಣ್ಣಿನರಸ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಒಗ್ಗರಣೆ ಕೊಡಿ.
3. ಪಲ್ಯಕ್ಕೆ ಅರ್ಧ ಬಟ್ಟಲು ತೆಂಗಿನ ತುರಿ, ಸ್ವಲ್ಪ ನಿಂಬೆ ರಸ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಒಗ್ಗರಣೆ ಕೊಡಿ.
4. ಒಗ್ಗರಣೆಗೆ: 2 ಚಮಚ ಎಣ್ಣೆಯನ್ನು ಕಾಯಿಸಿ ಸಣ್ಣಗೆ ಕೊಚ್ಚಿದ ಈರುಳ್ಳಿ, 2 ಹಸಿಮೆಣಸಿನ ಕಾಯಿ, ಸಾಸಿವೆ ಮತ್ತು ಕರಿಬೇವು ಹಾಕಿ.
5. ಈಗ ರುಚಿಯಾದ ವಂಚಿಚಾರು ಮತ್ತು ಪಲ್ಯ ರಾಗಿ ಮುದ್ದೆ ಮತ್ತು ಅನ್ನದೊಂದಿಗೆ ಸವಿಯಲು ಸಿದ್ಧ.